13 Október 2009 12:00
Lögreglan á höfuðborgarsvæðinu varar eigendur og umráðamenn ökutækja við því að skilja verðmæti eftir í bílum. Talsvert er um innbrot í bíla á höfuðborgarsvæðinu en það eru ekki síst myndavélar og tölvur sem freista þjófa. Þetta verða eigendur eða umráðamenn ökutækja að hafa hugfast og muna að skilja ekki verðmæti eftir í bílum. Sé það óumflýjanlegt er mikilvægt að slíkir hlutir séu ekki í augsýn.
Þess má geta að um helgina bárust lögreglunni sex tilkynningar um innbrot í bíla. Um var að ræða innbrot í bíla í Reykjavík, Kópavogi og Hafnarfirði en úr þeim öllum var stolið ýmsum verðmætum. Lögreglan ítrekar því að verðmæti séu ekki skilin eftir í bílum.