2 Apríl 2007 12:00
Ríkislögreglustjóri hefur sett Rannveigu Brynju Sverrisdóttur lögreglumann til að gegna stöðu varðstjóra við embætti lögreglustjórans á Selfossi frá 1. apríl síðastliðnum. Rannveig Brynja er fyrst kvenna til að gegna varðstjórastöðu við embættið. Hún hóf störf í lögreglunni á Selfossi við sumarafleysingar sumarið 2001. Prófi frá Lögregluskóla ríkisins lauk hún 2003 auk þess hefur hún lokið ýmsum námskeiðum frá þeim skóla þar á meðal námskeiði fyrir rannsóknarlögreglumenn. Til viðbótar þessu hefur Rannveig Brynja lokið nokkrum námskeiðum fyrir stjórnendur frá Endurmenntunardeild Háskóla Íslands. Rannveig Brynja hefur starfað sem rannsóknarlögreglumaður í tvö sumur og komið að forvarnarfræðslu í skólum.