Óku utan í vegrið á Reykjanesbruat

12 Mars 2018 09:26
Síðast uppfært: 12 Mars 2018 klukkan 09:26

Fjórir ökumenn óku á vegrið á Reykjanesbraut um helgina vegna hálku á brautinni. Einn þeirra var fluttur með sjúkrabifreið á Heilbrigðisstofnun Suðurnesja til aðhlynningar en bifreið hans sat föst utan í vegriðinu.

Þá var nokkuð um minni háttar umferðaróhöpp í umdæmi lögreglunnar á Suðurnesjum af sömu sökum. Einnig bárust lögreglu nokkur símtöl frá ökumönnum þar sem bílar sátu fastir í snjó. Var þar um erlenda ferðamenn að ræða. Loks var einn ökumaður handtekinn vegna gruns um fíkniefnaakstur og annar vegna gruns um ölvunarakstur.