27 Febrúar 2012 12:00
Mynd sýnir þátttakendur og kennara.
Föstudaginn 24. febrúar lauk starfsleyfisúttekt ríkislögreglustjóra og Lögregluskóla ríkisins fyrir hundaþjálfara og hunda löggæslu í samstarfi við tollgæsluna. Kennarar á námskeiðinu komu frá lögreglu og tollgæslu.
Að þessu sinni útskrifuðust fimm hundar, þar af þrír fíkniefnaleitarhundar frá lögreglu, einn frá Fangelsismálastofnun og þá útskrifaðist sprengjuleitarhundur hjá sérsveit ríkislögreglustjóra.
Fíkniefnaleitarhundar eru nú hjá lögreglunni í Borgarnesi, Vestmannaeyjum, á Blönduósi, Akureyri, Eskifirði, Selfossi og Suðurnesjum. Þá er fíkniefnaleitarhundur í fangelsinu að Litla-hrauni og hjá tollgæslunni en mikil samvinna er á milli þessara löggæslustofna varðandi fíkniefnaleitarhunda.