28 Júlí 2004 12:00
Tilkynning frá Lögreglunni í Reykjavík,
vegna verslunarmannahelgarinnar.
Um leið og Lögreglan í Reykjavík óskar þeim sem hyggja á ferðalög um verslunarmannahelgina, góðrar ferðar og góðrar heimkomu, vill hún minna fólk á að ganga vel frá eigum sínum. Hægt er að sækja upplýsingar um innbrotavarnir á vefsíðu embættisins, www.lr.is Lögreglan í Reykjavík mun halda úti auknu eftirliti í íbúðahverfum nú um verslunarmannahelgina eins og undanfarin ár. Eftir sem áður eykst hættan á innbrotum þegar mörg hús og margar íbúðir eru yfirgefnar í einu. Því er rétt fyrir fólk að hafa það í huga þegar það yfirgefur sín hýbýli að það gæti fengið einhvern óvelkominn í heimsókn.