3 Janúar 2022 14:51

Vegna veðurs var öllum sýnatökum vegna COVID-19 aflýst á Austurlandi í dag. Það hefur vissulega áhrif á fjölda smittalna í fjórðungnum en fyrir liggur eftir sem áður að smit eru mörg og dreifð auk þess sem vaxandi fjöldi er í sóttkví.

Sýnataka var á Vopnafirði í gær af íbúum og starfsmönnum hjúkrunarheimilisins Sundabúðar. Hún kom vel út, engin ný smit.

Sýnataka er áætluð á morgun á Vopnafirði, þriðjudaginn 4. janúar frá kl. 08:10 til 08:40, á Reyðarfirði frá kl, 09 – 10:30 og á Egilsstöðum frá kl. 12 – 13:30

Að óbreyttu hefst aftur boð um örvunarbólusetningu (þriðju bólusetningu) í næstu viku og í kjölfarið einnig boð um bólusetningu barna á aldrinum 5 – 11 ára.

Enn eru það persónulegar smitvarnir, aðgát og tillitssemi sem skilar árangri, nú þegar nærri 2 ár eru síðan við hófum þessa vegferð saman.

Áfram við öll.