4 Mars 2013 12:00
Lögreglan á höfuðborgarsvæðinu óskar eftir vitnum að umferðaróhappi sem varð á gatnamótum Nýbýlavegar, Þverbrekku og Ástúns í Kópavogi kl. 10.02 miðvikudagsmorguninn 27. febrúar. Þar rákust saman dökkgrár Hyundai Getz og svartur Ford Focus, en ökumönnunum ber ekki saman um stöðu umferðarljósa. Hyundainum var ekið vestur Nýbýlaveg en Fordinum frá Ástúni og inn á áðurnefnd gatnamót þegar áreksturinn varð.
Þeir sem urðu vitni að óhappinu eru vinsamlegast beðnir um að hafa samband við lögregluna í síma 444-1000 en einnig má senda upplýsingar í tölvupósti á netfangið abending@lrh.is
Frá vettvangi.