31 Ágúst 2015 11:45

Nokkuð var um umferðaróhöpp í umdæmi lögreglunnar á Suðurnesjum um helgina. Karlmaður sem hjólaði yfir götu tók ekki eftir bifreið sem ekið var eftir götunni og hjólaði á hana. Hann fann til verkja eftir óhappið og var fluttur með sjúkrabifreið á Heilbrigðisstofnun Suðurnesja.

Annar ökumaður missti stjórn á bifreið sinni sem hafnaði á ljósastaur. Fjarlægja varð bifreiðina með dráttarbifreið.

Þá var bifreið ekið í veg fyrir aðra á gatnamótum Reykjanesbrautar og Stekks. Ökumenn sluppu ómeiddir.