1 Mars 2009 12:00
Um kl. 09:30 var tilkynnt til lögreglunnar á Höfn um að alvarlegt umferðarslys hefði orðið á Breiðamerkursandi skammt austan við Jökulsárlón. Um var að ræða fimm einstaklinga af erlendum uppruna.
Fólksbifreið var ekið út af veginum í hálku og fór bifreiðin eina og hálfa veltu. Tveir aðilar voru fastir í bifreiðinni þegar lögregla og sjúkralið kom á vettvang. Greiðlega gekk að ná þeim út.
Ökumaðurinn hlaut höfuðáverka, og var fluttur með sjúkrabifreið á Kirkjubæjarklaustur og með þyrlu LGH þaðan til Reykjavíkur. Aðrir úr bifreiðinni voru fluttir til Hafnar til frekari aðhlynningar.