Umferðarslys á höfuðborgarsvæðinu

21 Maí 2014 12:00

Í síðustu viku slösuðust tólf vegfarendur í jafnmörgum umferðarslysum á höfuðborgarsvæðinu. Reiðhjól, rafmagnsvespur og bifhjól komu við sögu í nokkrum slysanna, en einnig var um að ræða tveggja bíla árekstur, aftanákeyrslu og bílveltu. Í þremur tilvikum var ekið á gangandi vegfaranda, sem er sömuleiðis mikið áhyggjuefni.

Tímasetningar, aðdragandi og orsök slysanna sem urðu vikuna 14. – 20. maí.

Fjögur umferðarslys voru tilkynnt fimmtudaginn 15. maí. Um kl. 7.30 varð umferðarslys við undirgöng á Nýbýlavegi í Kópavogi, við undirgöng undir Dalveg. Við gangnamunnan, í beygju, lentu saman reiðhjól og rafmagnsvespa með þeim afleiðingum að ökumaður reiðhjólsins slasaðist á fæti. Hann var fluttur á slysadeild til skoðunar. Ökumaður rafmagnsvespunnar ók á brott af vettvangi án þess að huga að reiðhjólamanninum. Um kl. 11 varð umferðarslys á Snorrabraut norðan Hverfisgötu þegar ekið var aftan á kyrrstæða bifreið. Ökumaður hafði stöðvað bifreið sína við hægri brún akbrautar þegar önnur bifreið hafnaði aftaná. Ökumaður bifreiðarinnar sem ekið var á var fluttur á slysadeild til skoðunar. Talið er að ökumaðurinn sem ók aftaná hafi ekki verið að fylgjast nægjanlega vel með umferð fyrir framan. Um kl. 14.30 varð umferðarslys á göngustíg í Elliðaárdal þegar ökumaður reiðhjóls missti vald á hjólinu, þegar hemlar biluðu, með þeim afleiðingum að hann féll í götuna. Hann var fluttur á slysadeild til skoðunar. Reiðhjólamaðurinn bar ekki hlífðarhjálm. Um kl. 16 varð síðan umferðarslys á Háaleitisbraut við Lágmúla. Þar var bifreið ekið austur Háaleitisbraut og beygt til vinstri norður Lágmúla, í veg fyrir bifreið sem var ekið vestur Háaleitisbraut. Einn vegfarandi var fluttur á slysadeild til skoðunar. Þarna virti ökumaður ekki forgang þess sem kom á móti á gatnamótunum.

Fjögur umferðarslys voru tilkynnt fimmtudaginn 15. maí. Um kl. 7.30 v

arð umferðarslys við undirgöng á Nýbýlavegi í Kópavogi, við undirgöng undir Dalveg. Við gangnamunnan, í beygju, lentu saman reiðhjól og rafmagnsvespa með þeim afleiðingum að ökumaður reiðhjólsins slasaðist á fæti. Hann var fluttur á slysadeild til skoðunar. Ökumaður rafmagnsvespunnar ók á brott af vettvangi án þess að huga að reiðhjólamanninum. Um kl. 11 varð umferðarslys á Snorrabraut norðan Hverfisgötu þegar ekið var aftan á kyrrstæða bifreið. Ökumaður hafði stöðvað bifreið sína við hægri brún akbrautar þegar önnur bifreið hafnaði aftaná. Ökumaður bifreiðarinnar sem ekið var á var fluttur á slysadeild til skoðunar. Talið er að ökumaðurinn sem ók aftaná hafi ekki verið að fylgjast nægjanlega vel með umferð fyrir framan. Um kl. 14.30 varð umferðarslys á göngustíg í Elliðaárdal þegar ökumaður reiðhjóls missti vald á hjólinu, þegar hemlar biluðu, með þeim afleiðingum að hann féll í götuna. Hann var fluttur á slysadeild til skoðunar. Reiðhjólamaðurinn bar ekki hlífðarhjálm. Um kl. 16 varð síðan umferðarslys á Háaleitisbraut við Lágmúla. Þar var bifreið ekið austur Háaleitisbraut og beygt til vinstri norður Lágmúla, í veg fyrir bifreið sem var ekið vestur Háaleitisbraut. Einn vegfarandi var fluttur á slysadeild til skoðunar. Þarna virti ökumaður ekki forgang þess sem kom á móti á gatnamótunum.

Tvö umferðarslys voru tilkynnt föstudaginn 16. maí. Um kl. 17 varð umferðarslys á bifreiðastæði við hótel í Reykjavík þegar sendibifreið var bakkað á gangandi vegfaranda sem gekk um stæðið. Hinn gangandi vegfarandi leitaði sjálfur á slysadeild og tilkynnti lögreglu síðar um atvikið. Um kl. 17.30 varð síðan svipað slys þegar bifreið var bakkað úr stæði á bifreiðastæði við Ögurhvarf í Kópavogi og hafnaði á gangandi vegfarandi sem gekk aftan við bifreiðina. Hinn gangandi vegfarandi var fluttur á slysadeild til skoðunar. Í báðum þessum slysum gættu ökumenn ekki sér þegar ekið var afturá bak.

Laugardaginn 17. maí um kl. 04.30 varð umferðarslys á Nýbýlavegi í Kópavogi þegar ökumaður missti vald á bifreiðinni með þeim afleiðingum að bifreiðin hafnaði á ljósastaur. Ökumaðurinn er grunaður um að hafa verið ölvaður við aksturinn. Hann var fluttur á slysadeild til skoðunar.

Sunnudaginn 18. maí um kl. 13 varð slys á göngustíg við Orrahóla þegar stúlka á rafmagnsvespu ók á gangandi vegfaranda. Hinn gangandi vegfarandi hlaut beinbrot og var fluttur á slysadeild.

Tvö umferðarslys voru tilkynnt mánudaginn 19. maí. Um kl. 08 varð bílvelta og slys á Sléttahrauni í Hafnarfirði en í umræddri götu er 30 km hámarkshraði. Ökumaður er talinn hafa verið að teygja sig eftir farsíma sínum þegar hann ók utan í kyrrstæða bifreið og valt. Ökumaður var fluttur á slysadeild til skoðunar. Talið er að ökumaðurinn hafi ekið of hratt miðað við aðstæður og sýndi ekki nægjanlega aðgæslu. Um kl. 19.30 varð síðan umferðarslys á Miklubraut við Kringluna þegar bifhjóli var ekið vestur Miklubraut. Ökumaður bifhjólsins missti vald á bifhjólinu og féll í götuna en talið er að bifreið hafi verið ekið í veg fyrir bifhjólið. Þeirri bifreið var síðan ekið áfram af vettvangi. Ökumaður bifhjólsins var fluttur á slysadeild til skoðunar.

Tvö umferðarslys voru tilkynnt þriðjudaginn 20. maí. Um kl. 15.30 varð slys á Miklubraut við Háaleitisbraut þegar bifreið var ekið norður Háaleitisbraut, inn á gatnamótin og í veg fyrir bifreið sem var þvert yfir gatnamótin. Umrædd gatnamót eru ljósastýrð en engin sér beygjuljós eru á gatnamótunum. Einn vegfarandi var fluttur á slysadeild til skoðunar. Þarna virti ökumaður ekki forgang þess sem kom á móti. Um kl. 17 varð síðan slys á Hafnarfjarðarveg, rétt við Vífilsstaðaveg í Garðabæ, þegar ekið var aftaná aðra bifreið. Ökumaður bifreiðarinnar sem ekið var aftaná var fluttur á slysadeild með verk í hálsi og baki eftir hnykk. Talið er að ekki hafi verið nægjanlegt bil á milli ökutækjanna.

Lögreglan bendir vegfarendum vinsamlegast á að öll berum við ábyrgð í umferð, bæði á okkur sjálfum og öðrum og því mikilvægt að sýna aðgæslu og tillitssemi í hvívetna, alltaf.

Umferðarslys á höfuðborgarsvæðinu

21 Maí 2014 12:00

Veldu mánuð og ár