6 September 2007 12:00

Lögreglan á Hvolsvelli vill vara ferðamenn við miklum vatnavöxtum í ám á Þórsmerkurleið, einnig á öðrum fjallvegum í umdæminu þar sem miklar rigningar hafa staðið yfir undanfarna daga.

Meðfylgjandi ljósmynd var tekin nú fyrr í dag við Steinsholtsá á Þórsmerkurleið þar sem jeppabifreið stöðvaði í ánni vegna vatnavaxta.

Björgunarsveitin Dagrenning á Hvolsvelli aðstoðaði við björgunina og dró bifreiðina á land.