9 September 2022 11:10

Lögreglu berast enn tilkynningar um  tölvupóst skilaboð þar sem Sigríður Björk Guðjónsdóttir, ríkislögreglustjóri er ranglega titluð sendandi og skilaboðin eru merkt lögreglu og íslenskum ráðuneytum. Þessi skilaboð eru þó ekki frá ríkislögreglustjóra og viljum við vara fólk við að svara tölvupóstinum og við því að ýta á hlekki og viðhengi sem geta fylgt slíkum skilaboðum. Ef þú hefur fengið eða færð póst af þessum toga skaltu tilkynna hann sem ruslpóst/spam í póstforritinu þínu.

Mikilvægt er að skoða öll skilaboð og allan póst með gagnrýnum augum, ekki smella á hlekki eða viðhengi sem eru grunsamleg og alls ekki gefa upp kortaupplýsingar eða viðkvæmar persónuupplýsingar.

Sjá skáskot af dæmum um svikapósta:

Málið er til skoðunar hjá lögreglu.

Við viljum jafnframt vekja athygli á því að ýmislegt er að hægt að gera til þess að tryggja að tækin þín séu ekki viljandi eða óviljandi að deila persónulegum upplýsingum á netinu sem þú vilt ekki að fari lengra. Kynntu þér málið á 112.is.

Lögregla mælir gegn því að fólk svari þessum skilaboðum og láti þess í stað nægja að henda tölvupóstinum og merkja hann sem ruslpóst.