27 Mars 2006 12:00

Í morgun rétt fyrir kl. 05:30 var lögreglan á Egilsstöðum kvödd að aðgöngum 4 við Kárahnjúka vegna vinnuslyss, göng rétt neðan við Desjarárstíflu. Tilkynnt var að bjarg hefði fallið á mann í göngunum. Áður en lögregla kom á staðinn var læknir búinn að úrskurða hinn slasaða látinn. Um er að ræða 26 ára karlmann sem lést er bjarg um1 tonn að þyngd féll á hann. Maðurinn var i vinnu hjá Arnarfelli og vann við að koma sprengihleðslum fyrir í berginu. Virðist á fyrstu stigum rannsóknar sem lítilsháttar sprenging hafi átt sér stað sem framkallaði grjóthrun. Aðra starfsmenn sem voru við vinnu með hinum látna skaðaði ekki.

Lögregla og Vinnueftirlit ríkisins vinna að frekari rannsókn málsins.

Ekki er hægt að gefa upp nafn hins látna að svo stöddu.