28 Nóvember 2003 12:00

Undanfarna tvo mánuði hefur lögreglan í Reykjavík verið með hverfatengdar aðgerðir í umferðarmálum sem gengið hafa ágætlega. Aðgerðirnar hafa verið byggðar á ábendingum sem borgarar hafa komið á framfæri við lögreglu um atriði í umferðinni sem betur mætti fara og eins athugasemdum frá lögreglumönnum um þörf á aðgerðum.

Lögreglan í Reykjavík vill vekja athygli á því að á næstu vikum má búast við átaki á vegum embættisins sem beint er gegn ölvunarakstri. Ökumenn eru því hvattir til að virða reglur um að aka ekki eftir að neyslu áfengis. Reynt verður að hafa aðgerðir með þeim hætti að þær valdi sem minnstum töfum á umferð. Sambærilegt átak lögreglu gegn ölvunarakstri í fyrra skilaði umtalsverðum árangri, 13% færri ökumenn voru teknir fyrir ölvunarakstur árið 2002 en árið þar á undan.

Lögreglustjórinn í Reykjavík

Til ökumanna

Lögreglan í Reykjavík vill minna ökumenn á að ölvun og akstur á ekki saman. Hver sem hefur bragðað áfengi skal ekki aka bifreið.

Árið 2002 voru 822 ökumenn stöðvaðir af lögreglunni í Reykjavík vegna gruns um ölvun við akstur. Þetta er töluverð fækkun frá síðasta ári sem má vonandi rekja til aukins skilnings ökumanna á því að ölvunarakstur borgar sig ekki og sé ekki hættunnar virði.

Í umferðarlögum nr. 50/1987 segir að enginn megi stjórna eða reyna að stjórna vélknúnu ökutæki sé hann undir áhrifum áfengis. Í reglugerð með umferðarlögum er nánar kveðið á um sektir og refsingar vegna umferðarlagabrota. Meðfylgjandi eru nokkur dæmi um hugsanlegar refsingar vegna ölvunaraksturs.

Taflan miðast við að um fyrsta brot sé að ræða.

Vínandamagn í blóði ‰

Sektir

Svipting

0.50 – 0.60

50.000

2 mán

0.61 – 0.75

50.000

4 mán

0.76 – 0.90

60.000

6 mán

0.91 – 1.10

70.000

8 mán

1.11 – 1.19

80.000

10 mán

1.20 – 1,50

100.000

12 mán

Vínandamagn í lofti mg/l

Sektir

Svipting

0.250 – 0.300

50.000

2 mán

0.301 – 0.375

50.000

4 mán

0.376 – 0.450

60.000

6 mán

0.451 – 0.550

70.000

8 mán

0.551 – 0.599

80.000

10 mán

0.600 – 0,750

100.000

12 mán

(Ath.: Svipting lágmark 12 mánuðir neiti ökumaður að gefa öndunarsýni)

Njótið aðventunnar – Forðist ölvunarakstur

EFTIR EINN – EI AKI NEINN