6 Mars 2009 12:00
Lögreglan á höfuðborgarsvæðinu boðar aukið umferðareftirlit á Hafnarfjarðarvegi en þar hefur borið á hraðakstri. Sýnileg löggæsla verður aukin og ökumenn mega búast við því að sjá lögreglumenn við radarmælingar. Sérstakur myndavélabíll embættisins verður einnig notaður af þessu tilefni.
Við hraðamælingar á Hafnarfjarðarvegi fyrr í vikunni óku rúmlega 17% ökumanna of hratt eða yfir afskiptahraða. Meðalhraði hinna brotlegu var tæplega 95 km/klst en þarna er 80 km hámarkshraði. Sérstaka athygli vakti hversu margir óku á 100 km hraða eða meira en sú staðreynd er ekki síst tilefni þessara aðgerða sem munu standa eins lengi og þörf krefur.