10 Desember 2009 12:00
Bílþjófur var handtekinn í Kópavogi um miðjan dag í gær. Sá hafði stolið bíl í bænum en viðkomandi hefur áður gerst sekur um nytjastuld. Þjófurinn, karl á þrítugsaldri, var ekkert á þeim buxunum að láta lögregluna handtaka sig og tók til fótanna eftir að hafa yfirgefið bílinn. Hann var hinsvegar fljótt hlaupinn uppi og sömuleiðis karl á svipuðum aldri, sem var með honum í hinum stolna bíl. Báðir voru fluttir á lögreglustöð og síðan vistaðir í fangageymslunni.