31 Mars 2014 12:00
Einn ökumaður var sviptur ökuréttindum til bráðabirgða á laugardag, en viðkomandi var staðinn að hraðakstri á Miklubraut í Reykjavík. Um var að ræða pilt um tvítugt, en bíll hans mældist á 128 km hraða á vegarkafla þar sem leyfður hámarkshraði er 60. Nokkuð bar annars á hraðakstri á höfuðborgarsvæðinu um helgina og voru nokkrir tugir ökumanna stöðvaðir vegna þessa, en hinir sömu eiga allir sekt yfir höfði sér.