12 September 2011 12:00
Ellefu ökumenn voru teknir fyrir ölvunarakstur á höfuðborgarsvæðinu um helgina. Níu þeirra voru stöðvaðir í Reykjavík og tveir í Hafnarfirði. Tveir voru teknir á föstudagskvöld, fjórir á laugardag og fimm á sunnudag. Þetta voru níu karlar á aldrinum 19-72 ára og tvær konur, 35 og 49 ára. Þrír þessara ökumanna höfðu þegar verið sviptir ökuleyfi og einn hefur aldrei öðlast ökuréttindi.