28 Nóvember 2008 12:00
Fíkniefni fundust við húsleit í Mosfellsbæ í gærkvöld en um var að ræða marijúana, samtals um 700 grömm. Húsráðandinn, karl á fertugsaldri, var handtekinn en hann hefur áður komið við sögu lögreglu vegna fíkniefnamála.
Lögreglan minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.