29 Júlí 2011 12:00
Karl á þrítugsaldri var handtekinn í Breiðholti í gærkvöld en í fórum hans fundust nokkrir tugir gramma af marijúana. Ætla má að fíkniefnin hafi átt að selja um verslunarmannahelgina.
Lögreglan minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.