27 Júní 2022 16:07
Í kvöld og nótt verður akrein fræst og malbikuð á Miklubraut, milli Grensásvegar og Skeiðarvogs. Þrengt verður í eina akrein og hámarkshraði lækkaður. Áætlað er að framkvæmdirnar standi frá kl. 19 í kvöld og til kl. 7 í fyrramálið.
Í kvöld og nótt er einnig stefnt á að fræsa beygjuramp við Kauptún niður á Reykjanesbraut. Rampinum verður lokað og hjáleiðir settar upp. Áætlað er að framkvæmdirnar standi frá kl. 22 í kvöld og til kl. 4 í nótt.
Vegna vinnu við leiðara má búast við truflun á umferð í Kollafirði í nótt og næstu nætur frá miðnætti og til kl. 7 á morgnana.
Frekari fréttir um framkvæmdir á höfuðborgarsvæðinu er að finna á heimasíðu Vegagerðarinnar.