3 Nóvember 2022 10:51

Í dag, fimmtudag, þarf að stöðva umferð á Vesturlandsvegi á Kjalarnesi (við Valhólma) í stutta stund í nokkur skipti frá kl. 14.30 – 15.30. Þar er unnið að tvöföldun Vesturlandsvegar, en hluti af því er að koma niður tveimur stálundirgöngum undir nýjan veg og gamla hringveginn. Önnur undirgöngin eru við Valhólma, en þar liggur klöppin nokkuð hátt og því er þörf á að sprengja rás í hana.

Beðist er velvirðingar á þeim óþægindum sem þetta kann að valda vegfarendum.