3 September 2014 12:00
Vegagerðin hefur gefið heimild til framkvæmda við malbikun á mótum Miklubrautar (austur) og Sæbrautar/Reykjanesbrautar (suður) á morgun, fimmtudaginn 4. september. Þó nokkur lokun verður á slaufum á þessum kafla, en framkvæmdir hefjast kl. 5.30 í fyrramálið og munu standa yfir megnið af deginum. Rétt er að nefna að Vegagerðin heldur úti fésbókarsíðu og þangað er mögulegt að beina fyrirspurnum um fyrirhugaðar lokanir.