4 Febrúar 2005 12:00
Lögreglunni á Álftanesi, í Garðabæ og Hafnarfirði var í dag veittur heiðursskjöldur tryggingafélagsins Sjóvá fyrir árangursríkt átak í fækkun afbrota undangengin tvö ár. Heiðursskjöldurinn var afhentur í hófi sem haldið var í Hásölum í Hafnarfirði í dag.
Egill Bjarnason, yfirlögregluþjónn, veitti skildinum viðtöku fyrir hönd lögreglu úr hendi Árna Gunnarssonar, framkvæmdastjóra tjónasviðs Sjóvá, sem og fjórum stafrænum myndavélum er afhent voru lögreglu af sama tilefni.