25 Júní 2020 09:41
Brot 32 ökumanna voru mynduð á Garðahraunsvegi í Garðabæ í gær. Fylgst var með ökutækjum sem var ekið Garðahraunsveg í vesturátt, við Hraunprýði. Á einni klukkustund, eftir hádegi, fóru 39 ökutæki þessa akstursleið og því ók meira en helmingur ökumanna, eða 82%, of hratt eða yfir afskiptahraða. Meðalhraði hinna brotlegu var 56 km/klst en þarna er 30 km hámarkshraði. Sá sem hraðast ók mældist á 72, en hann og sex aðrir ökumenn eiga yfir höfði sér ökuleyfissviptingu fyrir hraðakstur á Garðahraunsvegi í gær.
Vöktun lögreglunnar á Garðahraunsvegi er liður í umferðareftirliti hennar á höfuðborgarsvæðinu, en þess má geta að skýjað og þurrt var á meðan hraðamælingunni stóð.