Hraðakstur á Sæbraut í Reykjavík

27 Nóvember 2019 13:26
Síðast uppfært: 27 Nóvember 2019 klukkan 13:26

Brot 50 ökumanna voru mynduð á Sæbraut í Reykjavík frá þriðjudeginum 26. nóvember til miðvikudagsins 27. nóvember. Fylgst var með ökutækjum sem var ekið Sæbraut í austurátt, á gatnamótum við Langholtsveg. Á einum sólarhring fór 6.821 ökutæki þessa akstursleið og því óku hlutfallslega mjög fáir ökumenn of hratt eða yfir afskiptahraða. Meðalhraði hinna brotlegu var 76 km/klst en þarna er 60 km hámarkshraði. Sá sem hraðast ók mældist á 86. Einu ökutæki var ekið gegn rauðu ljósi á umræddu tímabili.

Vöktun lögreglunnar á Sæbraut er liður í umferðareftirliti hennar á höfuðborgarsvæðinu.