Hraðakstur á Sæbraut í Reykjavík

3 Desember 2019 11:35
Síðast uppfært: 3 Desember 2019 klukkan 11:35

Brot 135 ökumanna voru mynduð á Sæbraut í Reykjavík frá fimmtudeginum 28. nóvember til föstudagsins 29. nóvember. Fylgst var með ökutækjum sem var ekið Sæbraut í austurátt, á gatnamótum við Langholtsveg. Á rúmlega einum sólarhring fóru 8.890 ökutæki þessa akstursleið og því óku hlutfallslega mjög fáir ökumenn of hratt eða yfir afskiptahraða. Meðalhraði hinna brotlegu var 74 km/klst en þarna er 60 km hámarkshraði. Sá sem hraðast ók mældist á 87. Sex ökutækjum var ekið gegn rauðu ljósi á umræddu tímabili.

Vöktun lögreglunnar á Sæbraut er liður í umferðareftirliti hennar á höfuðborgarsvæðinu.