Hraðakstur á Sæbraut í Reykjavík

14 Mars 2019 14:16
Síðast uppfært: 14 Mars 2019 klukkan 14:16

Brot 85 ökumanna voru mynduð á Sæbraut í Reykjavík frá miðvikudeginum 13. mars til fimmtudagsins 14. mars. Fylgst var með ökutækjum sem var ekið Sæbraut í vesturátt, á gatnamótum við Langholtsveg. Á einum sólarhring fóru 8.033 ökutæki þessa akstursleið og því óku hlutfallslega mjög fáir ökumenn of hratt eða yfir afskiptahraða. Meðalhraði hinna brotlegu var 79 km/klst en þarna er 60 km hámarkshraði. Sá sem hraðast ók mældist á 92. Einu ökutæki var ekið gegn rauðu ljósi á umræddu tímabili.

Vöktun lögreglunnar á Sæbraut er liður í umferðareftirliti hennar á höfuðborgarsvæðinu.