16 Ágúst 2017 10:18

Brot 42 ökumanna voru mynduð í Ánanaustum í Reykjavík í gær. Fylgst var með ökutækjum sem var ekið Ánanaust í suðurátt, á móts við Holtsgötu. Á einni klukkustund, eftir hádegi, fóru 568 ökutæki þessa akstursleið og því óku allnokkrir ökumenn, eða 7%, of hratt eða yfir afskiptahraða. Meðalhraði hinna brotlegu var 62 km/klst en þarna er 50 km hámarkshraði. Sá sem hraðast ók mældist á 70.

Vöktun lögreglunnar í Ánanaustum er liður í umferðareftirliti hennar á höfuðborgarsvæðinu.