Húsleit í Árbæ – þrír handteknir

9 September 2019 16:29
Síðast uppfært: 9 September 2019 klukkan 16:29

Þrír karlar á fertugsaldri voru handteknir í kjölfar húsleitar Lögreglunnar á höfuðborgarsvæðinu í iðnaðarhúsnæði í Árbæ í gær. Lagt var hald á talsvert af munum, sem grunur leikur á að séu þýfi. Á vettvangi fundust enn fremur ætluð fíkniefni, sem voru sömuleiðis tekin í vörslu lögreglu. Ekki er hægt að veita frekari upplýsingar um málið að svo stöddu.