23 Febrúar 2010 12:00
Brotist var inn í nokkra bíla á ýmsum stöðum á höfuborgarsvæðinu um helgina, m.a. á bílastæðum við útivistarsvæði, en átta slíkar tilkynningar bárust lögreglunni. Úr þeim var m.a. stolið GPS-tækjum, veskjum með greiðslukortum í, radarvara og Ipod. Sem fyrr ítrekar lögreglan að verðmæti séu ekki skilin eftir í bílum. Sé það óumflýjanlegt er mikilvægt að slíkir hlutir séu ekki í augsýn.
Þá var dekkjum stolið undan tveimur bílum en karl á þrítugsaldri var handtekinn í tengslum við rannsókn annars málsins.