17 Febrúar 2010 12:00
Lögreglan á höfuðborgarsvæðinu stöðvaði kannabisræktun í bílskúr í Hafnarfirði í gær. Við húsleit á áðurnefndum stað var lagt hald á 10 kannabisplöntur og ýmsan búnað sem tengdist starfseminni. Karl um fertugt var færður á lögreglustöð i tengslum við rannsókn málsins og hefur hann játað aðild sína að málinu.
Lögreglan minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.