5 Júlí 2014 12:00
Karl á þrítugsaldri var í dag í Héraðsdómi Reykjavíkur úrskurðaður í gæsluvarðhald til 19. júlí að kröfu Lögreglunnar á höfuðborgarsvæðinu, en það var gert á grundvelli rannsóknarhagsmuna. Maðurinn var handtekinn í Grafarholti í nótt, en hann er grunaður um að hafa stungið sambýliskonu sínu með hnífi. Konan, sem er á þrítugsaldri, var flutt á slysadeild, en hún hlaut alvarlega áverka. Rannsókn málsins er á frumstigi og ekki er hægt að veita frekari upplýsingar að svo stöddu.