2 Ágúst 2013 12:00
Lögreglan á höfuðborgarsvæðinu óskar eftir vitnum að líkamsárás sem átti sér stað á Fífuhvammsvegi við Smáralind í Kópavogi milli kl. 14 og 15 fimmtudaginn 1. ágúst. Ljóshærður karlmaður, um 180 cm á hæð og meðalmaður á þyngd, veittist þá að konu þannig að hún féll í götuna og sparkaði síðan í hana. Nokkur umferð var um svæðið og biður lögregla þá sem kunna að hafa orðið vitni að atvikinu að hafa samband í síma 4441000 eða senda tölvupóst á abending@lrh.is. Einnig er hægt að senda lögreglu upplýsingar á fésbókarsíðu lögreglunnar www.facebook.com/logreglan?.