2 Mars 2021 14:02

Einn var í dag í Héraðsdómi Reykjavíkur úrskurðaður í fjögurra vikna farbann, eða til þriðjudagsins 30. mars, á grundvelli rannsóknarhagsmuna að kröfu Lögreglunnar á höfuðborgarsvæðinu í þágu rannsóknar hennar á manndrápi í austurborginni í síðasta mánuði. Viðkomandi hafði setið í gæsluvarðhaldi undanfarin hálfan mánuð og rann það út í dag, þriðjudag, en ekki var lögð fram krafa um áframhaldandi gæsluvarðhald.

Fimm eru enn í gæsluvarðhaldi í þágu rannsóknarinnar og fjórir hafa verið úrskurðaðir í farbann.

Ekki er hægt að veita frekari upplýsingar um málið að svo stöddu.