Nýr verkefnisstjóri almannavarna á Suðurlandi

12 Desember 2018 09:36
Síðast uppfært: 12 Desember 2018 klukkan 13:49

Björn Ingi Jónsson hefur nú verið ráðinn verkefnisstjóri í almannavörnum hjá lögreglustjóranum á Suðurlandi og hefur störf um komandi áramót.  Hann kemur í stað Víðis Reynissonar sem verið hefur í þessu starfi frá ársbyrjun 2016.  Um leið og Víði eru þökkuð vel unnin störf er Björn Ingi boðinn velkominn til starfa en hann mun,  eins og verið hefur, sinna starfinu í umboði lögreglustjóra og sveitarfélaga í umdæminu.  Hann hefur langa reynslu af störfum í björgunargeiranum, setið bæði sem formaður Björgunarfélags  Hornafjarðar og í svæðisstjórn björgunarsveita þar eystra.  Hann starfaði sem héraðslögreglumaður um 10 ára skeið og sem afleysingamaður í lögreglu á sumrum þar að auki.   Þá hefur hann setið í almannavarnarnefnd frá árinu 2006 og sem formaður hennar þau fjögur ár sem hann var bæjarstjóri hjá Sveitarfélaginu Hornafjörður.

Björn Ingi var valinn úr hópi 10 umsækjenda sem sóttu um starfið