7 Maí 2012 12:00
Karl um þrítugt var handtekinn í austurborginni á föstudag en í bíl hans fundust á annan tug söluskammta af marijúana. Í framhaldinu var leitað á heimili mannsins en þar var að finna um 250 grömm af marijúana til viðbótar og var það allt í söluumbúðum. Maðurinn hefur áður komið við sögu hjá lögreglu.
Lögreglan minnir á fíkniefnasímann 800-5005. Í hann má hringja nafnlaust til að koma á framfæri upplýsingum um fíkniefnamál. Fíkniefnasíminn er samvinnuverkefni lögreglu og tollyfirvalda og er liður í baráttunni við fíkniefnavandann.