6 Mars 2007 12:00
Sautján ára piltur var stöðvaður fyrir ofsaakstur á Hafnarfjarðarvegi í gærkvöld en bíll hans mældist á 148 km hraða. Sami piltur, sem fékk bílpróf fyrr í vetur, var tekinn fyrir ofsaakstur á Kringlumýrarbraut fyrir tíu dögum og þá fékk hann 60 þúsund króna sekt. Svo virðist sem pilturinn hafi ekki enn lært sína lexíu því brot hans í gær var enn grófara. Núna fær hann hins vegar tíma til að hugsa ráð sitt því pilturinn á tveggja mánaða ökuleyfissviptingu yfir höfði sér. Að auki verður honum gert að greiða 90 þúsund krónur í sekt fyrir þennan vítaverða akstur.