Tveir óku undir áhrifum fíkniefna

8 September 2009 12:00

Lögreglan á höfuðborgarsvæðinu stöðvaði för tveggja ökumanna í Reykjavík á laugardag sem báðir voru undir áhrifum fíkniefna en annar þeirra var jafnframt með fíkniefni í fórum sínum. Um var að ræða tvo karla á þrítugsaldri og var annar stöðvaður á Sæbraut en hinn í Grafarholti. Sama dag lagði lögreglan hald á fíkniefni sem hún fann hjá þremur farþegum í bíl í miðborginni. Á sunnudag var karl á þrítugsaldri handtekinn í Breiðholti en hann var sömuleiðis með fíkniefni í fórum sínum.