5 Júlí 2011 12:00
Harður árekstur varð á Gullinbrú um kl. 13:40 síðastliðinn föstudag. Ökumaður á leið suður Gullinbrú missti þá stjórn á ökutæki sínu sem fór í hliðarkskriði yfir á akbraut fyrir umferð úr gagnstæðri átt og lenti þar framan á ökutæki sem ekið var til norðurs.
Þrír voru fluttir á slysadeild. Kona á sjötugsaldri sem var farþegi í bifreiðinni sem ekið var á, er talin alvarlega slösuð. Hún var lögð inn á gjörgæslu við komu á slysadeild.
Slysið er rakið til hraðaksturs ökumanns á leið suður Gullinbrú. Ökumaður þeirrar bifreiðar er 17 ára gamall og fékk ökuskírteini þremur dögum fyrir slysið. Málið er í rannsókn.