14 Mars 2015 14:01
Mikið hefur verið um útköll á svæði Lögreglunnar á höfuðborgarsvæðinu í dag, þar á meðal gegnum 112. Símtölum var ekki annað á tímabili og var fólk beðið um að hringja í númerið 570-2080, ef neyðarástand skapaðist ekki væri svarað í 112.
Útköll hafa flest verið tengd því ofsaveðri sem fór yfir höfuðborgarsvæðið í morgun, en jafnvægi er nú komið á útköll sem eru að berast.
Mikil og góð samvinna hefur verið með öðrum útkallsaðilum og viljum við þakka mjög gott samstarf við björgunarsveitir, slökkvilið , Almannavarnardeild ríkislögreglustjóra og sveitarfélög, svo einhverjir séu nefndir.